「粵典」是一個大型的粵語辭典查詢網站，該詞典用Crowd-sourcing方法整一本大型、可持續發展慨粵語辭典，採用香港粵語(廣東話)做中心，編寫解釋同例句都會考慮香港慨用法;部份例句會由本土慨文章抽出嚟，務求反映真實慨語言現狀。

「粵典」以資料為依歸，用「描述主義(descriptivism)」慨方法，盡力描述現今慨語言狀況，會收錄各家流行慨寫法、讀音、用法，入面會包含一公認為正確慨用法，亦都會有新興慨用法、比較小眾慨用法。

雖然過往有好多關於粵語慨工具書，不過由於長期慨「中文字位」觀念，呢啲工具書大多隻系收錄粵語同中文唔同慨部份，並冇將粵語視作一個完整語言去看待。我哋希望透過編寫《粵典》呢本「以粵釋粵」慨辭典，可以打破呢種觀念，令大家會視粵語為一隻完整慨語言，令我哋慨語言同文字可以傳承落去。